ضحكة مرة ع الشفايف مرسومة تحكى القلب خايف ل يصير ف يوم ربيعه خريف موجوع ، ل تدبل ف يوم أوراقه قبل ما تنببت ع الفروع ، ل تموت ف يوم زهرة شبابه فى سجنها بين الضلوع ، ل تنكسر ف يوم سفينته قبل ما تفرد القلوع ، ل يتوه ف يوم بطريق مرسوم سهم رايح من غير رجوع ، ضحكة ماسكة بإيدها دمعة بأعلى صوت بتقول مخدوع ، يللى مستنى و الوقت فاتك ملجمك خوفك فارض سكاتك و انت غرقان فى الدموع ..............و تطلع ازاى ضحكة صافية من غير خوف من قلب فيه الخوف مزروع .
الخميس، 27 مارس 2014
الأربعاء، 26 مارس 2014
السبت، 22 مارس 2014
ملكتها ؟
بتحبها؟
كنت بتحلم تبقى جزء من حلمها
كنت بتحلم تبفى كوكب يدور فى ضلها
كان كل أملك إنك تفضل جنبها
و تعيش معاها حلمها
و بقيت لها
جزء كبيييييير من حلمها
و شمسها مش بس كوكب داير فى ضلها
و عايش جوه قلبها مش جنبها
ملكتها
حسيت خلاص إنك ملكتها ؟
إياك فى يوم تفكر تهجر قلبها
و تسيبها تعيش لوحدها فى حلمها
و تغيب شمسك و لو ليوم من عمرها
و تقول ما أنا خلاص ملكتها
هاتلاقيك وقتها
خارج حياتها كلها
ما بقيتش نقطة فى حلمها
و من إيديك ضيعتها
و طفيت شمسك يوم ما غرك إنك ملكتها
الاثنين، 3 مارس 2014
كتابك غلاف
تصفحتك كتابا غذاء لروحى فصولك تحوى آﻻف اﻷسرار
سطورك أقرأها فتبهرنى و ما بين السطور نوعا آخر من اﻹبهار
بريق السطور غلف خباياها ، فلم أرى ما خفى إلا فى السطر اﻷخير ، فى كلمة النهاية .
رأيتك كتابا صفحاته بحورا......كلماتك سفينة تشق البحور ،تصارع موجها ، تأخذنى فى رحلة لعوالم أحلامى ، عوالم لطالما تمنيتها واقعا .
رأيتك كتابا صفحاته أبوابا ......كلماتك مفاتيح أقفالها ، تفتح آفاقا جديدة ، يتفتح معها عقلى و فكرى و إحساسى .
رأيتك كتابا صفحاته غيثا ........كلماتك زهورا ارتوت ، فتفتحت فى بستان أيامى ، و انتشر شذاها ليعطر حياتى بعبير اﻷمل .
رأيتك كتابا صفحاته قوس قزح.........كلماتك ألوانه ، تضفى على يومى مع كل إشراقة لون مختلف ، فأعادت الحياة لنفس قتلها الجمود.
رأيتك كتابا صفحاته نهرا.......كلماتك ماؤه ، يجرى بين ضفافه ، ارتوى منه و أطفئ لهيب ظمأى .
و ما بين السطور
رأيتك كتابا مجرد غلاف ، صفحاته فراغ .........كلماتك دربا من اﻷوهام .
رأيتك و رأيتك و رأيتك..........و ما بين السطور وجدتك سراب.
الاشتراك في:
الرسائل (Atom)