الرقص على أنغام الحياة

دو رى مى ................

نوتة بتكتبها الحياة, نازلة طالعة على السلم , لحنها مرة أحلى نغم و مرة تانية بينشز , تسمع و تقول الله يا سلاااااام أعد كمان مرة , كان لحن حزين أو لحن فرحة هاتعيشه و تتمايل مع الأنغام , و فى كل لحن معاك مايسترو بيتحكم , فى ضحكة طالعة من جواك أو دمعة من قلب اتألم , نوتة و كتبتها الحياة , ارقص بخطوات لحنها حتى لو لحنها نشز .

شجرة فى بستان العمر

للذكرى جذور تمتد داخلنا , تتعمق فى نفوسنا , تتمكن من قلوبنا . للذكرى أفرع تنتشر فى حياتنا , نتسلق بعضها ويعيقنا البعض , منها الضعيف فينكسر و يمحى و منها القوى فيبقى و يزهر . للذكرى وريقات تنمو و تثمر , زهرات الإبتسامة و زهرات الحزن , ثمرات تقوينا و ثمرات تكسرنا.

الذكرى كالشجرة فى بستان العمر إما أن تلتف أغصانها حول أعناقنا فنختنق بها , و إما أن تكون مورقة فتروق للعين و يألفها القلب و تهنأ بها النفس , فيا ليت كل الذكرى كالأخيرة فلو كانت ما دمعت عين .

دمعة وطن

قومى يا بلدى و كفكفى دمعاتك, لو حزنتى على شهيد استنى مليووووون شهيد من أولادك, شايلين أرواحهم على كفوفهم لاجل ما يمحو اسم الخسيس من الوجود و يحمو يا بلدى كل ذرة من ترابك.

بيد من؟

أمسكت بقلمى و استدعيت الكلمات أسطرها لأسرد قصتى , فإذا بيد تنتزع من يدى القلم و تختطف كلماتى و تسرد قصتى رغما عنى , و تكتب تفاصيل عمرى , و قبل سطر النهاية أعادت لى قلمى لأسطر نهاية قصتى بيدى , فعجز القلم بيدى و تعلقت الكلمات بذهنى و توقف العالم من حولى رافضين جميعهم أن أسطر نهاية قصة لم أكتبها , إلا دمعاتى هى من خانتنى و قررت أن تسطر النهاية بدلا منى و لكن ليست نهاية قصتى .............................بل نهايتى.

بستان الكلام

تنساب الحروف من بين ثنايا اللغة لتلتقى قلمى و تعانق أوراقى, فتزدهر فوق السطور كلماتى , فها هنا تزدهر كلمات الحب , و هناك تزدهر كلمات أحزانى , , أرى شجرة الصمت و قد طرحت كلمات تعثر بنطقها لسانى , أقتطف من بستان الكلمات كلمة يفوح عطرها بالحنين لأجمل ذكرياتى , و ها هى كلمة تهتز بنسمات الشوق فيتناثر أريجها يذكرنى بماض يئن له القلب و يرسم على الشفاه بسمة الإشتياق و يثير فى العيون العبرات .
فالحروف تتدفق لترسم بستان الكلام , فأتغنى به و أرسم منه حياتى .

كلمات

كلمات ................. ما الحياة إلا بضع كلمات , كلمات نسطرها نحن و كلمات يسطرها غيرنا , كلمات نقولها و كلمات نسمعها , كلمات نقود بها و كلمات توجهنا , كلمات تأخذنا و تسافر بنا بين عوالم مختلفة و كلمات توثق أرجلنا إلى الأرض كالأوتاد , و ما بين كلمة و أخرى نحيا كلمات , و ما بين كلمة البداية و كلمة النهاية نسطر آهات .

شكرا معلمى

شكرا لكل من علمنى حرفا فى درس الحياة , شكرا لكل من علمنى أن أعيش منفردة هو سر جمال الحياة , شكرا لكل من هدم جزءا فى حصن كنت قد بنيته لأحمى براءة ندرت فى هذا الزمان , شكرا شكرا شكرا لمن علمنى أصعب درس لأستفيد منه ما طال العمر , لمن علمنى كيف أمحو حروف الثقة من أبجديات لغة الحياة , درسا تعلمته بعد أن ذبلت وريقات البراءة و الطيبة , و تعلمت حروف القسوة و الدهاء , الآن و قد تعلمت الجزء الأهم من الدرس فسأظل ما حييت أرسل بإمتنانى و شكرى لكل من سيعلمنى حرفا فى درس الحياة .

أيادى الغدر

ماشى فى طريقك مليان حجر , يكعبلك يوقعك و تقوم من تانى على رجليك تقف , و من تانى تقع , و تلاقى ألف ايد تتمد لك, قال اييه ............ على رجليك من تانى هاتوقفك , كل الأيادى مشوهة بالغدر مليانة , بتدور على ايد طاهرة نقية تتمدلك من غير خيانة , اخترت ايد اتهيألك انها بالخير جايالك , و لما مسكتها لقيتها بالشوك مليانة , و اتجمع فيها كل الغدر و الخيانة , أصلها كانت بالطمع عميانة, عن ايد بريئة اتجرحت بشوكها و خليتها فى الآلام غرقانة , اتعلم الدرس بقى و اوعى تكرر غلطتك , و لا ايد هاتنفعك و لا على رجليك من تانى هاتوقفك , امشى فى طريقك لوحدك و لما تقع اتعلم ازاى على رجليك من تانى تقف , تتفرج ع الأيادى اللى ممدودة ليك و تضحك بأكبر إبتسامة ,عرفهم انك شايفهم على حقيقتهم , أصل الشوك جرحه علم و منه اتعلمت ان كلللللل الأيادى فى البراءة طمعانة , و عمرها على جرحك ما هاتكون ندمانة.

ذكرى حاضرة

وقفت فى جانب من النافذة يطل على زاوية من الطريق , أتطلع إليها و أتذكر حديثى معه و أنا أقف فى نفس الجانب من النافذة و أتطلع لنفس الزاوية من الطريق , أستنشق نسمات الفجر كما كنت أفعل و أنا أحادثه , أتلمس فيها رائحة ذكريات مضت , ذكريات لمشاعر تبادلناها ببراءة , كلما تذكرتها يرفرف قلبى فرحا لذكرى كلمة أحببتها أو لضحكة تقاسمناها , و يتألم وجعا لكونها أصبحت ذكرى , فتندفع لعينى الدموع محملة بآلام الفراق و وجع الإشتياق , و لكن سرعان ما تتحجر بمقلتى رافضة أن تخرج مع الذكرى و آلام الشوق , تصمم على البقاء بكل ما تحمله , أوافقها الرأى فأنا لا أريد أن أتخلص من ذكراه ,فهو ما زال جزءا منى لا أريد أن أبتعد عنه حتى لو كان ذكرى , سأقف كل يوم فى نفس الجانب من النافذة و أتطلع لنفس الزاوبة من الطريق و أستنشق نسمات الفجر و أسترجع أحاديثى معه كأنه هنا و لم أفقده كى لا أفتقده .

فاهدأ يا قلبى و لا تحزن و رفرف لكلمات حبيبك و ادفع لشفتى البسمات و لا تدفع لعينى الدمعات.

نسيت أن أنسى

قررت أن أنسى , و أن أغرق فى بحر النسيان , فلما غرقت فيه نسيت أنى قد قررت أن أنسى فلم أنسى 

اتعلم تعلم

بتمشى فوق الرمل فاكر خطوتك بتعلم , ما انت عارف ان بعد لحظة البحر هايمحى أثرها , انت لازم تتعلم على الصخر بخطوتك تعلم , و الصخر قاسى محتاج لقسوة خطوتك علشان تحفر أثرها فيه و تعلم , و ما يمحيها شئ فى الوجود , يبقى لازم للقسوة و القوة تتعلم , لكن مع الأسف لازم تتعلم علشان تتعلم , و أبدا ما يأثر فيك شئ و لا تتألم , و يبقى أثر خطوتك هو اللى يتكلم , و ما تخللى طيبة قلبك فيك يوم تتحكم , أصل الطيبة دى بقت ضعف , و هاتنساها يوم ما القسوة ما تبقى طبعك و فى غيرك تعلم .

إنه قرارك

اتخذت قرارك منذ البداية دون أن تدرى انت ذاتك انك اتخذته , اتخذت قرارك أن تمحو مشاعرى تجاهك , اتخذت قرارك أن تجعلنى بلا قلب , اتخذت قرارك أن تميتنى و أنا حية , اتخذت قرارك أن تجعلنى أشعرك بأن وجودى أو عدمه فى حياتك سواء , هذا كان قرارك دون أن تدرى , أما الأن , فقد اتخذت قرارك متعمدا أن تنسحب من حياتى , اتخذت قرارك متعمدا أن تغض طرفك عنى , اتخذت قرارك متعمدا أن تقطع خيطا رفيعا كان ما زال موجودا رغم كل شئ , اتخذت قرارك بوضع كلمة النهاية . فأين أنا ؟ . اتخذت قرارك رغما عنى منذ البداية وحتى كلمة النهاية.

جدار الخوف

عندما نتوارى وراء مخاوفنا و أحزاننا فإننا نبنى جدارا عازلا بيننا و بين العالم حولنا , و تنتشر فى أوصالنا برودة تؤلم نفوسنا قبل أن تؤلم أجسادنا , إلى أن نجد فى هذا الجدار ثقبا صغيرا يتسلل منه شعاع نور و بصيص أمل لا نعلم مصدره و بالرغم من مخاوفنا نهرع اليه لنتمسك به و نشعر بالدفء ينتشر فى نفوسنا قبل أجسادنا , إلى أن يتملك هذا الشعاع أرواحنا و نستوحش الحياة دونه , و سرعان ما يخبو شعاع النور لنشعر أن أرواحنا قد غادرت معه و عادت البرودة لتنتشر فى نفوسنا قبل أجسادنا و نصبح كالأموات , ثم يعود شعاع النور و بصيص الأمل لينشر الدفء و يعيدنا أحياءا مرة أخرى فنهرع اليه دون تفكير لنهدم الجدار حتى يصبح هذا الشعاع المتسلل شمسا لا تغيب تملأ نفوسنا دفئا و سعادة , و لكننا نكتشف و نحن نحاول هدم الجدار أننا نهدم معه حياتنا و تنتشر الجروح فى نفوسنا , و نكتشف أنه دربا من الجنون أن نفعل ذلك بأيدينا , فنتراجع عن هدم الجدار ليظل شعاع النور و بصيص الأمل يتسلل إلى حياتنا و نفوسنا من الثقب فى الجدار و لكن الثقب الأن أكبر من ذى قبل , و يزداد خوفنا من فقدان شعاع النور و ما يحمله لنا من بقايا أمل إلى أن يختفى الثقب فقد اكتمل الجدار بهذا الخوف و عادت البرودة لتنتشر فى حياتنا و ذهبت أرواحنا مع شعاع الأمل و عدنا كالأموات . هكذا هى الحياة كريمة لينة عند العطاء , عنيفة و شديدة عند الأخذ , تأخذ بلا رحمة و لا شفقة فهل من محب لهذه الحياة .

إشتياق

تسلل الشوق من قلبى إلى قلمى, فأثقل كاهله و لم يتحمل القلم أوجاعه , فألقاه إلى أسطر أوراقى , فتبلور لكلمات بالتيم تثرثر و تحكى أهوال , تحملها القلب من قبل و اعتصرته و آلمته و ظل يضحك ليوارى بالضحكة دمعاته , فإشتياق قلبى ليس لشخص و لكن , إشتياقه لعالم ساحر بكل أحواله , عالم احتواه و اختبأ بداخله من قسوة أيامه , فقلبى هائم به و يشتاق إليه فى حضوره , فكيف بشوق قلبى إليه فى الغياب .

عالمى و زهرتى

كانت الغيوم تملأ السماء , تباشرت خيرا بنزول المطر , و قلت لزهرتى الحمراء تفاءلى سينزل الغيث و يرويكى لتزدهرى و تتألقى و تصبحين فى أبهى صورك , و بدأت القطرات تتساقط , قطرة ....قطرة , ملأ السرور قلبينا و شعرنا أننا ننطلق فى السماء بجناحى الأمل فى سعادة , أمل فى حياة جديدة , أمل فى قادم أفضل , أمل فى جمال يملأ القلوب و الوجوه , و بدأت القطرات تتزايد و زاد معها إنطلاقنا و أملنا و سعادتنا , و تزايد المطر و تسلل القلق إلينا , توقفنا .................ساد الصمت و السكون , فالقطرات أصبحت سيول , و رأينا الوجه القبيح للمطر , إلتفت لزهرتى الحمراء وجدتها و قد أغرقها السيل و ماتت , رقتها لم تحتمل , لم تمكنها من الصمود , لم تمكنها من الحياة وسط سيول جارفة تغرق كل رقيق و جميل , و لا يصمد أمامها إلا كل قاسٍ و شديد , يا حيرتى .......أأميت بداخلى رقتى و بساطتى , أأتخلى عن عذوبة نفسى و هدوءها لتحل مكانها قسوة لم أعتادها , لأتمكن من الحياة , أى حياة هذه التى لا تزينها الرقة و العذوبة , أى حياة هذه التى تشبعت بالقسوة و الجمود , لا أريدها , عفواً أيتها الحياة لن تتمكن قسوتك منى , لن أتغير سألحق بزهرتى الحمراء لأحيا عالمى , عالم تتوجه الرقة و لين القلب و تزدهر فيه العذوبة و الجمال , ما أجملك عالمى , فلنحيا زهرتى الحمراء فى عالمنا بعيداً عن ذلك العالم المشوه الغريب .

واقلباااااه

مسكين يا قلب , ولدت لتعصف بك الآلام , ولدت لتعتصرك الأوجاع و الأحزان ,و تجتزئ منك الأيام و تهلكك لتصبح شيخا قبل الأوان , يؤلمك الحب و يسقيك الوجع ألوان , يعتصرك الشوق فتخرج آهاااااااتك أعذب ألحان , يبعثرك الفراق و تتبدد مشاعرك كالثرى كأن لم يكن لها مكان , فلا يداويك و لا يرجعك كما كنت الزمان .

واقع خيالى

دورك فى القصة محدد تقوم بيه من غير ما تتخطى خطوطه و لا حدوده , قوم بيه بكل إخلاص , و بعد ما يخلص اعرف انك بالرجلين هاتنداس ,و تخرج بره الحكاية كأنك ما كنت موجود , افتكرت القصة حقيقة ؟ ده عيبك , ما تلومش عليه غيرك , ما هى من الأول سراب و خيال , فماتحاسبش على سذاجة تفكيرك غيرك , هى دى الحياة قصص وهم و خيال , هى الدنيا أصلا ايه غير خيال , قصة و هاتعيشها و تلعب فيها دورك و فى الأخر هاتسيبها و تخرج بره الحكاية , بس الدنيا شوية وفية يمكن تبقى فيها سيرتك , ولا ده كمان من المحال؟؟؟؟؟؟؟

صمود مواطن مصرى

يا بلد غرقانه فى دمها , شايله همنا و شايلين همها , ليل و نهار فوضى و قتل , سرقه تعدى و تكفير بجهل , تاهت أحلامنا و تهنا معاها , تاهت بلادنا فى بحور دم , تاهت فى بحور مؤامرة و خراب طال كل شئ فيها و شيلونا الذنب ,عايزنّا نعيش بحاضر و نعم , لا ندور على حق و لا نبص لفوق عايزنّا دايما نبص لتحت , عايزين كل حاجه تبقى شكلهم , كل حاجه تبقى زيهم , و نتنازلهم عن حلمنا عن بلدنا عن أرضنا , بنقول لهم انسو ده كان زمان و هانفضل طول ما فينا النفس واقفين لهم , احنا مش عبيد تتحكمو فيهم و فى مصيرهم , احنا أحرار أصحاب أرض و بكره من تاريخ بلادنا هانمسحهم ..

نوستالجيا

إحساس جمييييل و ممتع أوى لما تكون بتحب مقطوعة موسيقية و فى كل مرة تسمعها تلاقى نفسك بتتنفس بعمق , و تحس بنقاء الهوا حواليك حتى لو مش حقيقى , تحس انك فى أوسع و أجمل مكان فى الكون حتى لو كنت فى أضيق مكان , فى كل مرة تسمعها تحس إحساس جديد , تفهمها فهم مختلف , و تلاقيك بتفسر كل نغمة فيها , لغااااااية ........... ما تلاقيها بقت جزء منك , من كيانك و شعورك , تحس انها بقت انت , و تهمس لك و تقول لك أنا أحلامك , أنا الحاضر و ذكرياتك , إحساس جميل نادر تلاقيه , و لو لقيته اوعى تسيبه إمسك فيه , أصل إحساسك زى الزرع لازم علطول ترويه , علشان ما يجى عليك يوم و تلاقيه , مات و ما تقدر من تانى تحييه .

فكر بقلبك

يا كل حاجة و عكسها , افهم بقى, احنا اللى بينا مشكلة مش معضلة , اتعب و دور على حلها, دور بقلبك مش بعقلك دى الحقيقة اللى مش قادر توصللها , و اللى بسببها عمرك ما هاتوصل بالمشكلة لحلها , خللى قلبك هو اللى يفكر , و العقل يا دوب يهمس و يعبر , عن فكر و خاطر خبط على قلبك و بيقوللك قرر ,عن حل مشكلتك فين هاتدور.

قسوة

ارتسمت إبتسامة على الوجه , ارتسمت إبتسامة فى القلب ,كان أبسط شئ رسم الابتسامة , كان الوجه صافى , كان القلب نقى , كان القلب ترضيه ورده , ترضيه همسه , ترضيه بسمة , تكالبت عليه المصاعب , تكالبت عليه شرور الناس و قسوتهم , تكالبت عليه حياة كل ما بها قاسى و ملعون , صدم القلب و توقف , تنحت فيه الدنيا بقسوتها و شرورها , ينحت فيه من يتصارعون على لذة زائلة , من سطت الدنيا على قلوبهم و عقولهم , يتصارعون يتقاتلون يتآمرون يدمرون ,أناس لا يشعرون , ماتت مشاعرهم وسط صراعاتهم , ظلوا هم و الدنيا ينحتون و ينحتون , إلى أن أصبح القلب فتات مبعثرة , ماتت رقته ماتت براءته , مات من كانوا بمشاعره و نقائه يتنفسون .

الشعور إنسان

تعرف............لو قدرت تحس إنسان تبقى عبقرى و فنان , و لو قدرت تحس ألمه تبقى بصحيح إنسان , و لو وقفت جنبه و حاولت تخفف ألمه يبقى عندك مشاعر و إحساس , تبقى إنسان واعى و عقلك أغلى من الماس , لكن هاتقول أنا مالى , باتعامل و خلاص يبقى عليه العوض و عمرك ما هاتبقى إنسان , و لا عندك شعور و لا عقل , بيحركك رغبة و جهل , ماشى فى الدنيا أعمى تخبط فى خلق الله و لا يفرق معاك العقل إنك تحكمه و تسأله ايه الفرق , مين ده و مين ده , كله عندك سواء ما تفرق مين فوق و لا تفرق مين تحت.

شعاع الاشتياق

أتلمس شعاع الشمس مشتاق للإحساس بدفئه , مشتاق لأمل يبعث بداخلى , مشتاق للمسة كانت تسحرنى , مشتاق لأناس كانوا يملأون الوجود حولى , فأتى شعاع الشمس بالإشتياق و لم يأتى بغيره .

الحياة كما هى أم ..................

يا ترى الوردة دبلت من قلة المية و لا من كترها؟ ,يا ترى الوردة عاوزة الزهرية و لا عاوزة تفضل مزروعة فى أرضها,الزهرية جميلة جذابة مزخرفة بس الوردة حياتها معاها يومين و تفقد جمالها و عطرها, الأرض فيها الطين بس هاتضيفلها , حياة و جمال و عطر فوق عطرها , عطر الأرض لما نرويها و تطلع الشمس عليها و تزيد الوردة جمال و يطول عمرها , يا ترى الوردة اللى هاتختار و لا مين هايختارلها , تروح فى الزهرية و لا تفضل فى أرضها , هى الأقدار بتختار و مهما كانت رغبتنا ما نقدر نقف و نصدها , بس الوردة عاندت قدرها و قررت انه فى الزهرية نحطها ,عمرها ما قصدت تئذى نفسها و لا تبعد عن ضلها , اللى كان مالى عليها حياتها و بحبه كان قريب لها ,عمر الوردة ما قصدت بشوكها تجرح نفسها , بس صادفت و جرحت ضلها, الم الضل شديد بس كان ع الوردة أشد عليها من نفسها .

ثورة صامت

ساد عصر الصمت , ساد عصر الخضوع , ساد عصر الذل و الخنوع , ما أصعبها لحظة حينما ينزع منك وطنك , ما أصعبها لحظة حينما تنزع منك أرضك , ما أصعبها لحظة حينما تنزع منك حريتك , ما أصعبها لحظة حينما ينزع منك حق الإختيار , ما أصعبها لحظ حينما ينزع منك قلبك , ما أشد الألم حينما تنزع منك نفسك , و كل ذلك و أنت عاجز عن الكلام , تختنق الكلمات فى حلقك تريد أن تصرخ و لا يسعفك حتى الصراخ , تتلفت حولك لتبحث عن أيدى كنت تحسبها ستنجيك , فتجدها أول من يتخلى عنك و فى بحر الصمت ترميك , و تثور نفسك و تحاول من ذل الصمت أن تنجو , و لكن هيهات هيهات أن تسعفك حتى نفسك لتثور و على الصمت تعلو , فقد هدها الصمت و دمرها الجور . فهل لك يا نفس من سبيل للعصيان , أم سيستمر الذل و تخضعى يا نفس للصمت و النسيان .

حبيت بالصدفة؟؟؟؟؟

عمرك حسيت باللخبطة , و إن قلبك مليان شخبطة ,عقلك مش قادر يقراها و لا عارف يستوعبها و فى الأخر يسلملها و يمشى وراها , لا عرف هو رايح فين و لا قدر يقاوم و يقول لأ لازم نفهم لازم نقف , إحساس غريب, جميل و فى نفس الوقت مخيف , تبقى عاشق لمتعة إحساسك بيه ,و فى نفس الوقت كاره لأخرته و اللى ممكن يكون فى نهاية طريقه مستنيك .

تمرد 6\30

قوم يا شعب اصحى و فوق

قوم انتفض على حال بيسوء

قلنا زمان الثورة دى هوجة

بس دى كانت صحوة شوق

..................................

شوق للأمل للحرية

لعيشة كريمة و لقمة هنية

لشوية ميه نضيفة نشربها

لحلم بتعليم مية المية

................................

حلم لشاب بحريته

فى وظيفته يكبر و نشوف همته

عاوز يكبر عاوز يعلى

من غير ابن الباشا ما يثبته

...............................

فى مكانه و ياخد ترقيته

يسرق حلمه و يمشى فى سكته

و يطلع فوق كتافه يسرقه

و يبقى حلمه تحت الرجلين أخرته

..............................

امتى هاتصحى يا شعب و توعى

تقوم تتمرد ع اللى بيسعى

لسرقة أرضك و تاريخك

قبل مايجى اليوم و تبقى

.............................

من غير أرض من غير وطن

و تبقى زى عصفور اتسجن

جوه عشه فوق شجرته

قاعد وبس بيبكى بشجن

..............................

قوم يا شعب اتحرك ثور

اوعى تكون زى العصفور

راضى و خانع و بيستسلم

لحال ما يعجب على مر عصور

..............................

حارب الشر و حارب السطوة

ارجع تانى و قوم بالثورة

بس المرة دى تاخد بالك

اوعى تفرط فيها بالمرة

.............................

عاوزين مصر عزيزة قوية

على أعداءها صعيبة أبية

باحلم فيها بجنان خضرا

بمصنع ينتج و ايد بتبنى

حضارة عظيمة شامخة قوية

.............................

جودى يا مصر بخيرك علينا

ده انتى وطنا اللى بيحمينا

مش هانفرط فيكى يا غالية

و راح نشيلك جوه عنينا

يا ضى عنينا
    

قسوة إجابة

سألت الثلج يوما ما بال برودتك تؤلمنا , و ما بال قسوتك كالصخر تجرحنا , كان رده قاسيا و مؤلما كحاله معنا , قال اسألى بنى جنسك من البشر ما بال قلوبهم و مشاعرهم بلا معنى , فمنها تعلمت القسوة و منها ولدت برودتى فهى بلا حياة و الجمود يجمعنا ,هكذا يجب أن أكون و هكذا هو حالى , فالعجب ليس منى و لكن العجب كل العجب من بشر تعلمت منهم و إليكى بسؤالى , لم تلومينى على حالى و لا تلومى من كان منبع قسوتى و برودتى و من دفء المشاعر خالى .

اتكلم النهاردة و اسمع بكرة

يا بياعين الكلام لسه لسانكم ما وجعكوش , من الكذب و النفاق و البكش ما زهقتوش , بكره هايجى عليكو الدور و يتباع ليكو الكلام و لا من إنتقام الزمن ما بتخافوش , و مسيركم يجييلكم يوم تدورو ع اللى تبيعوله الكلام ما تلاقوش.

يا خاين صنفك ايه

ملعون فى كل وقت , ملعون فى كل كتاب , خاين بتبيع وطنك ترضاها ازاى مهما كانت الأسباب , تطعن وطنك فى ضهره لاجل ما ينحنى و يخضع لشوية كلاب , تعوى عليه و تنهش فيه بس أهو جالك وقت الحساب , هانمحى إسمك من سجل المخلوقات أصلك مش ليك صنف تبقى منه ده حتى الحيوان فى وش الخيانة بيقفل الأبواب.

قسوة دمعة

دمعة نزلت من عينى جريت مالحقتهاش , على قلوب بيضا دهسوها اللى مابيعرفوهاش , فاكرين الناس وحوش زيهم قلوبهم سودا إحساس مافيهاش , عمر الطيبة ما كانت ضعف و لا عيبة و لا غباء هى غريبة للى مابيقدروهاش , و هايقدروها ازاى و منين يعرفو قيمتها اللى مابيفهموهاش , لازم نبقى وحوش من غير قلوب و نوريهم إننا نقدر بالقوة ناخد حقنا و هايدورو على الطيبة فى قلوبنا مايلاقوهاش , ندوس و ندهس زيهم بس على قلوب من سوادها مانرحمهاش

أمل زهرة

لمحت زهرة حمراء من بعيد , تناثرت عليها قطرات الندى لتهديها رقة و بريق , رسم عليها الزمن علاماته , و لكنى رأيت فيها تحدٍ لتعود من جديد , تعود لرونقها لجمالها لحمرتها لتضفى على ما حولها برقتها و ببراءتها الجمال و تبعث السعادة فى كل قلب حزين , رأيتها تحاول و تحاول , و لكن الأيادى تتسابق لتقطفها و تنزع منها حياتها و أملها للعودة من جديد , سارعت إليها لأحميها من أطماع كل عاشق لجمالها يريد أن يستأثر بها و يستمتع بما تبقى لها من رقتها و براءتها دون تفكير, بما سيصير لها إذا اقتطفها , هل ستموت ’ هل ستنتهى , هل ستبعث فيها الحياة من جديد , لم يلقوا بالاً لشعورها لإحساسها بالألم مع كل لمسة يد تمتد إليها لتقطفها و تمحو عنها الأمل لتحتفظ ببراءتها و تستعيد رونقها و حياتها من جديد , اقتربت منها و تبادلنا الكلمات , لا بل تبادلنا الهمسات , لاتخافى إنى بجوارك أحميكى من كل يد تجور على أملك , و تستهين بألمك , همست لى تجمعنا و الحال واحد فهل لك من يحميكى من جور الناس و قسوتهم و صراعهم لمحو كل جميل , همست لها فلنحاول سويا أن نحافظ على جميل الحياة و نجعلها بريئة جميلة صافية بوجه واحد دون أقنعة , كما كان يجب أن تكون منذ زمن بعيد .

قيمة بين الواقع و الوهم

هو الصدق كلمة و لا معنى و لاطبع , نادر وجوده فى بنى البشر بس بتوهم نفسك و انت مضطر , إن كل الناس فيهم الصدق أصل , و الإستثناء الكذب خلينا نقول المجاملة يمكن مش فى قلوبهم شر , إحساسك بالصدق إحساس جميل بس تبقى صادق مع نفسك الأول و ده الأهم , لمسة الصدق فى حياتك هاتبقى لمسة سحر , تخلى دنيتك أجمل و أحلى و لا فيها خداع و لا هم , بس يا ترى هو ده حلمك و لا رضيت بواقع كله كذب و غم , و لا قررت تسيبه و تعيش فى عالم يخصك و ترتاح من الجرح و الألم , جرح و ألم يسببه الخداع و الكذب , ما تقدر يوم تطببه و لا تقدر لوجعه توجد حل .

سحر أم حب

يلوح فى سماء دنياى ملاك ينثر سحره على معالمها , تتناثر النجمات و الورود مع رفرفات جناحيه يغازل مفاتنها , هواك قد ملأ القلب أهو سحرك.؟ أم شوق و حنين لحب يملأ سرائرها .

تراك ملاكى ستمكث بسمائى أم سترحل لسماء أخرى و تحرمنى سحر هواك و نورك الذى يغمر دنياى و يبرز ما اختفى من أجمل ملامحها.

رقصات الألم

أرقص فوق حطام قلبى على أنغام آهااااته , لا أتلذذ برقصى فوقه و لا بتأوهاته , و لكنى لا أطيق الإستسلام لصرخاته.

الصراع حياة

تتصارع المشاعر و القلوب بداخلنا , فالقلوب تتصارع مع ما يجرحنا و يؤلمنا , كأمواج تتلاطم فى اليم و تسحرنا , صراع يهلكنا و فى ذات الحين يأسرنا , نحتاج اليه ليشعرنا أننا أحياء و هناك حياة بداخلنا , ما أصعب السكون حينما يسكن نفوسنا و يبقينا , بعيدا عن الحياة و عن السعادة يقصينا , و نبقى أنصاف أحياء و فى بئر الوحدة يرمينا , ما أحوجنا لصراع الموج و تلاطمه بداخلنا , كموسيقى صاخبة تزعجنا و فى ذات الحين تشجينا .

اللا حياة و اللا موت

أصعب حياة على أى إنسان عندما يحيا و العالم حوله يقرر له ما يجب عليه فعله و كيف يفعله و متى يفعله , أن يتبع الإنسان المفروض طوال الوقت و لا يكون له الخيار فى حياته بغض النظر عما يحتاج إلى فعله أو كيف يفعله أو متى يفعله , يقرر له من حوله متى يتكلم و متى يصمت بغض النظر عن إحتياجه للكلام أو للصمت , يقرر له من حوله أين مكانه فى حياتهم و ما دوره فيها بغض النظر عن دورهم فى حياته أو إحتياجه لهم , يقرر له من حوله ما يجب عليه فعله بغض النظر عن رغبته فى فعله , يقرر له من حوله ما يجب أن يكون عليه بغض النظر عن رغبته بأن يكون ما يريد , ما أصعب أن يضعه العالم حوله داخل إطار صوره يريدها و إن لم تصبح صورته داخل الإطار كما حددت له و كما يريدها العالم حوله أصبح شيئا لا حاجة فيه و يرمى خارج الإطار و لا يكون له مكان فى هذا العالم . لا حياة للإنسان دون أن يكون سيد قراره , فإن لم يكن فليحيا ميتا "أهلا بك فى عالم اللا حياة و اللا موت "

حلمى واقع بيدى

هممت برسم لوحة و لم أرى شيئاً بخيالى , ظللت أفكر و أفكر و لم يرد شيئاً ببالى , فقسوة الواقع قد محت كل جميل و لم يبقى إلا ما يجعلنا نعانى , رأيت شيئاً عجيباً ,أهذا حلم أم قد دار رأسى من كثرة الفكر لقد تحركت قرشاتى و ألوانى , إلى اللوحة البيضاء أمامى ,بدأت فرشاتى و ألوانى تمحو بياض اللوحة و ترسم الأمانى ,ما أروعها ما أبهاها رسمت جناحين لأحلامى , أصبحت فراشة تحلق فى سماء ألوانى , أطير فى البستان بين أزهار تداعبها النسمات و تزينها قطرات الندى , أطير بسماء صافية كأحلامى , تسحرنى زرقتها و يأسرنى صفاؤها و تملأ نفسى راحة و سكينة و جمال يلون أيامى , و صحوت من غفوتى فوجدتنى لم أغمض عينى و لكن أخذتنى فرشاتى و ألوانى , لعالم أصبو إليه بخيالى ,سأرسم لوحتى و لكن فى واقعى و أستخدم ألوانى , لأغير قسوته و أجعله كما رأيته فى أحلامى .

إقتحام

مهما نحاول نبنى حصون حوالين حياتنا و مشاعرنا , بنلاقى دايما اللى بيحاول يهدم الحصن و يكتشف أسرارنا و اللى جوه نفوسنا , , يمكن فضول .....يمكن اهتمام.....يمكن أى حاجة غير انهم يبقو جزء من حياتنا , ساعات بتضعف الحصون و تتهدم و بيتهدم معاها حاجات كتييييير أولها مشاعرنا و أحاسيسنا , و ساعات تانية بنحارب علشان يفضل الحصن يحمينا و يحمى حياتنا و مشاعرنا و أسرارنا اللى مخبينها جوه نفوسنا , لازم حصوننا تبقى قوية أبيه ما تستسلمش لأى ريح عتية , مهما كانت عنيفة و قوية , يا ترى هاتفضل حصوننا زى ما بنتمنى , و لا هاتكون ضعيفة هينة و تبقى عقولنا دايما غبية .

طعنات فى جسد الوطن

يا وجعة قلبك يا بلدى على ولادك ,رصاص الغدر بيحصد يا بلدى فى رجالك , كلاب جبنا بطعنات قاسية بيمزعو فى جسدك , بس أصعب طعنة يا بلدى لما تبقى فى قلب أحبابك

صورة مشوهة

أسوأ صورة اترسمت , لأجمل دين ليه الدنيا ابتسمت , يا جهلاء المسلمين , شوهتوا صورة الدين , مع أول صرخة طفل سمعوه الأذان , علموه فى البيت و المدرسه صل خمسك صوم شهرك دينك معاملتك الكذب حرام , هو ده اللى اتعلمناه , دينّا معاملتنا , دينّا يبان فى سلوكنا , مش بالدم هاننشر دينّا , مش بالضرب و مش بالسب هانطبق شريعتنا , مش بالكذب هانقدر نوصل , قول الصدق ده منجى و مأمن , هو ده دينّا اللى اتعلمناه ,..................................مين ده ؟ هو ده مسلم؟ شكله أه , ايه اللى بيعمله فى إخواته , قتل و سحل وضرب و كذب , عاوز سلطه غرقانه بالدم , ده مش شرعنا , ده مش إسلامنا , يا شعوب العالم إوعو تصدقو ان ده دينّا , دول إسلامهم ولا حتى كلام , يا شعوب العالم دينّا قرآنّا , دينّا سنة رسولنا , غير كده ما تصدقوش, فعل و كلام اللى ما بيفهموش , و اللى شوهو دينّا بجهلهم و خلو العالم من دينا يفرو مايقربوش .

جبنااااااء

سئمنا خداع البشر , سئمنا قلوب حجر , تستهين بمشاعر القلوب , تستخف برجاحة العقول , الدين لواعق ألسنتهم , لا يجاوز حلوقهم , يتلاعبون و يغدرون , و بنفاقهم يهدرون أسمى معانى الحياة , و خداعهم أبدا لن يصل لمنتهاه.

ذكريات من زمن ال.............................

يا بلد ماشية بالمقلوب
تخرج من كرب تقع فى كروب
هو الهم ورانا ورانا
رغيف العيش تاكله ما تشبع
مرض فى جسمك ينهش يوجع
و سحب سودا ماليه هوانا
قتل لحلم شباب بيثور
شباب عاوز يطلع للنور
نور بنحلم بيه جوانا
نور الحق و نور العدل
نور عيشه كريمه مش قتل و سحل
امتى هايبقى لينا مكانة
عند حاكمنا اللى بيحكمنا
اللى مايعرف ايه هى همومنا
و لا عامل أبدا حساب لكرامة
سكن القصر و غاب عن وعيه
أصل الكرسى ده بقى همه
نولع احنا و لا أى ندامة
الدمع فى كل بيت و حارة
انت حاكمنا ؟ بأى أمارة
سيبنا و امشى بألف سلامة

اشتقت لعالم أحلامى

اشتقت لصفاء السماء , اشتقت لصفاء البحر , اشتقت لصفاء الهواء , اشتقت لصفاء البر , اشتقت لصفاء البشر , اشتقت لصفاء النفس , يا شوقى لنفس صافية لم تلوثها الحياة , بريئة تقية ما زال بها حياء , تداعب بنقائها قلوبنا , و تملأ بالبهجة حياتنا , كنسمة هواء نقية تداعب ملامحنا و تملأ بالسعادة نفوسنا , ما لك يا نفس و قد ملئت بقسوة تدمر أرواحنا , كعاصفة أطاحت بكل جميل حولنا , إلى متى سأظل مشتاقة , هل سأجد غايتى , أم هو سراب يظهر أمامى و يختفى , أجرى وراءه فيسابقنى و فى لحظة النهاية أكتشف سذاجتى , أمضيت حياتى أجرى وراء وهم بصفاء لا وجود له إلا فى مخيلتى

لك الله وطنى

يا وطن تدمينا جراحه , يا وطن تؤلمنا أوجاعه , طعنات الغدر تتوالى , فى كل لحظة و بكل عنف و فى كل ركن من أركانك , فى كل ملمح من ملامحك تريد محو كيانك , دعائى لرب العزة و الجبروت , أن يرد كيد كل جبار و طاغوت , بطعناته فى قلب وطنى يضرب بكل استهانة و كبر , و يتحدث عن وطنى كأنه ثرى تذروه نسمات الهوا , و نسى أن وطنى أساسه حضارات و حضارات , و يحمل الآن ثورة يتمنون أن تموت ........ فهيهات هيهات

أسير الجمال

 لمسة الجمال لازم تتعاش مش تتشاف فى صورة , حتى لو هاتتفرج ع الصورة  من مقصورة , سحرالجمال اللى تعيشه ياخدك لدنيته , زى النداهة لما  تاخدك ندهتها لدنيا مسحورة , ما تعرف رحت ازاى و لا تعرف طريق رجعتك  , ما انت بقيت أسير الجمال ذاته مش أسير الصورة  , عيش الجمال  بعنيك عيشه بألوانه , عيش الجمال بسمعك بهمسة ألحانه , عيش الجمال  بقلبك حس تيمه و جنانه , عيشه بكل كيانك و دوب فى كيانه ,  ااااااااااااااه آه من الجمال لملمنى و غمرنى بأحلامه , عيشنى  حقيقته و أوهامه , زى  ضمة الحبيب لما ياخدك فى حضنه و يغمرك بعشقه  و هيامه .

جنون الصمت

عندما نعشق الصمت نعشقه لحد الجنون و لكن حينما نريد الحديث و يحرم علينا و نمنع منه فإن الكلمات تقف فى حلوقنا و نختنق بحروفها و لا نجد ملاذا من الرجوع إلى الصمت و لكن هذه المرة مكرهين لا عاشقين .

رحماك نفسى

مالك يا نفس لم يعجبك حالى , أعاندك فتستنكرى عنادى , أهاودك فتتكبرى و تحاولى إرجائى , ماذا يرضيكى يا نفس لتريحينى و يهدأ بالى , مللت إسترضائك و انتى لا تبالى , سيأتى يوما أرجئكى و أتناساكى , و أتجاهل رغباتك و لا أبالى , فيا نفس هونا على و لا تحيرينى برغباتك , فيطيش عقلى و يتذمر فأطيح بكل غالى .